Barnehagane har etablert ei felles plattform for leiing med følgjande kjenneteikn:
Barnehagen i omverda. Samspel mellom styringssignal frå stat, kommune, samarbeidspartar og brukarar.
Krav og forventningar som ligg til dei ulike leiarrollene er avklart.
Rolla som pedagogisk leiar er definert og gjort meir tydeleg i organisasjonen.
Kvalitet i innhald er sett på dagsorden i barnehagane og i avdelingane
Leiarane nytter same metode og arbeider systematisk med utvikling av det pedagogiske innhaldet i barnehagane.
Målretta arbeid med kvalitet, læring og utvikling i organisasjonen. (lærande organisasjon)
Felles leiarforum for leiarane i barnehage er etablert. Møte 3 g/å.
Felles fagleg standard for alle barnehagane.
Alle barnehagane har felles fokusområde.
Alle avdelingar utarbeider arbeidsmåtar for å innfri den faglege standarden.
Alle medarbeidarar medverkar i arbeidet med å utforme beste praksis.
Medarbeidarar justerer eigen arbeidsmåte og avdelinga sin arbeidsmåte for å kome på eller over standard.
Tydelegare leiing - kjenneteikn:
Medvitne leiarar som vil utvikling av kvalitet.
Engasjerte medarbeidarar som syner større interesse for det faglege innhaldet i arbeidet.
Møteplassane har endra karakter og form. Planlagde møter med tidsstyring og faglege drøftingar.
Fleire leiarar er meir medviten om eigen åtferd og kommunikasjon.
Tydelegare samanheng mellom styringssignal og praksis.
Klåre krav og forventningar til arbeidsmåte og innsats i heile organisasjonen frå overordna leiing til ; frå styrar til ped-leiar; frå ped-leiar til medarbeidar.
Medarbeidarar står fram som myndiggjorte. Den einskilde leiar og medarbeidar har fått oppfølging
Medverknad til utvikling.
Medarbeidarar i barnehage tar del i læring og utvikling av eigen kompetanse gjennom det systematiske arbeidet .
Medarbeidar tek ansvar og arbeidar sjølvstendig.
Medarbeidarar avleverer og deler resultat og kompetanse med andre.
Framdrift og kontinuitet.
Det er vald nytt fokusområde og sett ny standard.
Felles leiarforum sikrar avlevering av resultat og kontinuitet i det systematiske arbeidet.
Arbeidet er forankra i overordne leiing.
Overordna leiing i kommunen vil etterspørje framdrift og resultat hos styrarane.
På ei samling for alle tilsette i barnehagane i Selje kommune avslutta vi prosjektet med ein presentasjon av arbeidet med det første felles fokusområdet og den felles faglege standarden for dette området. Dei tilsette imponerte både med oppnådde resultat, med presentasjonane og med den glød og iver dei synte for arbeidet sitt!
No er prosjektet av slutta, men det som er gjengjeve i punkta ovanfor er no blitt ny standard for innhaldet i barnehagane i kommunen.